Azərbaycan, Bakı, 2 oktyabr /Trend/
DÇ-2014-ün seçmə mərhələsi çərçivəsində oktyabrın 16-da, Moskva şəhərindəki Lujniki stadionunda keçiriləcək Rusiya-Azərbaycan oyununun hakimləri müəyyənləşib.
Trend AFFA-nın rəsmi saytına istinadən məlumat verir ki, matçın baş hakimi Aleksandar Stavrev, onun köməkçiləri isə Marjan Kirovski və Dejan Kostadinov olacaq.
Hakimlər briqadası Makedoniyadandır.
Dördüncü hakim Jovan Kaludjeroviç (Monteneqro), hakim-inspektor Steve Bennett (İngiltərə), komissar isə Nebojsa İvkoviç (Serbiya) təyin olunub.