Azərbaycan, Bakı, 9 iyun /Trend, müxbir S.Əhmədova/
Belçikada akkreditə olunmuş səfirliklər arasında mini futbol üzrə çempionat keçirilib.
Azərbaycanın Belçika və Lüksemburqrdakı səfirliyindən Trend-ə verilən məlumata görə, Belçikanın Bornem şəhərində keçirilmiş bu çempionat 2002-ci ildən bəri hər il keçirilir. Komandamız 2012-ci ildə turnirin qalibi olub.
Çempionatda iştirak edən ölkələr aşağıdakılar olub: Azərbaycan, Çili, Belçika, Qana, İtaliya, Meksika, Braziliya, Bosniya və Hersoqovina, CAR, Kolumbiya, Rusiya, Avstraliya, Tunis, Almaniya, Ekvador, Fil Dişi Sahili.
Ölkəmizi Belçikadakı səfirliyimizin əməkdaşlarından və NATO mənzil-qərargahında xidmət edən azərbaycanlı zabitlərdən, eyni zamanda Belçikada yaşayan həmvətənlərimizdən ibarət futbol komandası təmsil edib.
Bu ilki çempionatda ilk qrup oyunları mərhələsində: Azərbaycan 3-0 Bosniya və Hersoqovina; Azərbaycan 7-0 Meksika və Azərbaycan 0-0 Braziliya. Qrup birincisi kimi 1/4 mərhələyə çıxıb.
1/4 mərhələdə Azərbaycan 3-3 Ekvador (penalti seriyasında 2-3) məğlub olmuş, 5-ci yer uğrunda mübarizədə Azərbaycan 4-2 Rusiya və Azərbaycan 3-3 Kolumbiya (penalti seriyasında 4-3) qalib gəlib.
Yekun olaraq komandamız 5-ci yerdə qərarlaşıb.
