Bakı. Trend:
Argentina millisinin üzvü Papu Qomes iki il müddətinə futboldan uzaqlaşdırılıb.
Trend xəbər verir ki, buna səbəb "Montsa"nın yarımmüdafiəçisinin antidopinq qaydalarını pozmasıdır.
Ötən ilin noyabrında “Sevilya”da çıxış edərkən Qomesin
dopinq-testində qadağan olunmuş maddə aşkar edilmişdi. İdmançı
iddia edir ki, həmin vaxt özünü pis hiss edib və həkimlərlə
məsləhətləşməzdən əvvəl övladı üçün nəzərdə tutulan öskürək siropu
içib.
Qeyd edək ki, Papu Qomes Argentina millisinin heyətində DÇ-2022-nin
qalibi olub.