Bakı. Trend:
Beynəlxalq Futbol Tarixi və Statistikaları Federasiyası (IFFHS) 2023-cü ilin ən yaxşı kişi və qadın qapıçısının adını açıqlayıb.
Trend xarici KİV-ə istinadən xəbər verir ki, kişilərdə bu nominasiyaya İngiltərənin “Mançester Siti” klubunun qolkiperi Ederson layiq görülüb.
Otuz yaşlı braziliyalı 145 xalla hər kəsi qabaqlayıb. “Aston Villa”dan Emiliano Martines ikinci, “Real Madrid”dən Tibu Kurtua üçüncü olub.
Qadınlarda isə bu ada 164 xalla “Mançester Yunayted”in qapıçısı Mari Earps layiq görülüb. “Barselona”dan Sandro Panos ikinci, “Çelsi”dən Zekira Musoviç üçüncü yeri tutub.