Bakı. Trend:
AVRO-2024-lə vidalaşan ilk yığmanın adı bəlli olub.
Trend İdman.biz-ə istinadən istinadən xəbər verir ki, Polşa millisi pley-off şansını itirib.
Keçirdiyi hər iki oyunda uduzan polşalılar son turun nəticəsindən asılı olmayaraq 1/8 finala yüksələ bilməyəcəklər. Niderland – Fransa matçının heç-heçə başa çatması Polşanın ümidlərinin üstündən xətt çəkib.
2 turdan sonra Niderland və Fransa hərəyə 4, Avstriya isə 3 xal toplayıb. Bu gün avstriyalılara uduzan polşalılar şəxsi görüşlərin nəticəsinə görə 4-cü pilləni tərk etməyəcəklər.
Qeyd edək ki, son turda Polşa – Fransa, Niderland – Avstriya oyunları keçiriləcək.