Bakı. Trend:
“Neftçi”nin qadın futbolçulardan ibarət komandasının avrokuboklardakı debüt matçının hakimləri bəlli olub.
Trend İdman.biz-ə istinadən xəbər verir ki, Bakı klubu Çempionlar Liqasının I təsnifat mərhələsində Avstriya təmsilçisi “Sankt Qallen”lə görüşəcək.
Qarşılaşmanı Xorvatiya və İtaliyadan olan hakimlər idarə edəcək. Yelena Kumer matçın baş hakimi olacaq.
Ona həmyerlisi Sanya Rodyak-Karşiç və italiyalı Françeska Di Monte kömək edəcəklər. Digər apenninli Mariya Marotta dördüncü hakim funksiyasını yerinə yetirəcək.
Qeyd edək ki, Gürcüstanın Tsxaltubo şəhərindəki görüş sentyabrın 4-də keçiriləcək. Matç Bakı vaxtı ilə saat 18:00-da başlayacaq.