Bakı. Trend:
UEFA Konfrans Liqasında ev oyunlarını Sumqayıtda keçirəcək Belarus “Dinamo”sunun (Minsk) ilk rəqibi Şotlandiyanın “Hearts” klubunun nümayəndələri dünən Mehdi Hüseynzadə adına stadionun qonağı olublar.
Trend xəbər verir ki, Şotlandiya klubunun nümayəndələri stadiona baxış keçirib, şəraitlə tanış olublar.
Gələn həftə UEFA və “Dinamo”nun nümayəndələri təşkilati işlər və Konfrans Liqasına uyğun arenanın rebrendinqi üçün Sumqayıta gələcəklər.
"Dinamo" - "Hearts" oyunu oktyabrın 3-də keçiriləcək və saat 20:45-də başlayacaq.
Qeyd edək ki, oyun azarkeşlər üçün bağlı şəraitdə keçiriləcək. Buna səbəb UEFA-nın Belarusa qarşı tətbiq etdiyi sanksiyalardır.