Bakı. Trend:
PSJ-nin hücumçusu Randal Kolo Muani karyerasını İtaliya A Seriyasında davam etdirməyə yaxındır.
Trend xəbər verir ki, "Yuventus" fransalı futbolçunu heyətinə qatmaq üzrədir. Bu barədə tanınmış insayder Fabritsio Romano məlumat yayıb.
Artıq klublar arasında Kolo Muaninin mövsümün sonuna qədər icarəyə verilməsi ilə bağlı razılıq əldə olunub. Hazırda "Yuventus" 26 yaşlı forvardın qərarını gözləyir.
Eyni zamanda, "Tottenhem" də futbolçunun xidmətində maraqlı olan klublar sırasındadır.
Qeyd edək ki, PSJ Randal Kolo Muanini 2023-cü ilin sentyabrında Almaniyanın "Ayntraxt" klubundan transfer edib. Fransa millisinin üzvü bu mövsüm Paris klubunun heyətində çıxdığı 14 rəsmi oyunda 2 qol vurub və 1 məhsuldar ötürmə edib.