Bakı. Trend:
İtaliyanın "Milan" klubu hücum xəttini gücləndirmək məqsədilə "Çelsi"nin oyunçusu Joao Felişi transfer etmək niyyətindədir.
Trend xəbər verir ki, A Seriyasının nəhəngi artıq 25 yaşlı portuqaliyalı forvard üçün İngiltərə klubu ilə danışıqlara başlayıb. Bu barədə tanınmış insayder Canluka Di Martsio məlumat yayıb.
"Milan"ın portuqaliyalı baş məşqçisi Serjiu Konseysau həmyerlisini komandasında görmək istəyir. Eyni zamanda, Joao Felişlə Türkiyənin "Fənərbaxça" klubu da maraqlanır.
Xatırladaq ki, "Çelsi" Joao Felişi mövsümün əvvəlində "Atletiko" Madrid klubundan transfer edib. Portuqaliya millisinin üzvü London təmsilçisinin heyətində keçirdiyi 19 rəsmi matçda 7 qol vurub və 2 məhsuldar ötürmə edib.