Bakı. Trend:
Əminəm ki, iqtisadi əməkdaşlıq üzrə hökumətlərarası komissiyanın iclasında qəbul ediləcək qərarlar Azərbaycan-Gürcüstan münasibətlərinin inkişafına vasitəçilik edəcək.
Trend xəbər verir ki, bunu Azərbaycanın baş naziri Əli Əsədov Gürcüstan və Azərbaycan arasında İqtisadi Əməkdaşlıq üzrə Hökumətlərarası Komissiyanın 10-cu İclasının açılışında bildirib.
O eyni zamanda COP29 konfransında göstərdiyi fəal iştiraka görə Gürcüstanlı hökumət başçısına təşəkkürünü bildirib və qeyd edib ki, Azərbaycan Gürcüstanın qlobal iqlim dəyişikliyinə qarşı mübarizəyə verdiyi töhfələri yüksək qiymətləndirir.
"Ötən il siz Azərbaycana iki dəfə səfər etmisiniz. Sizinlə mart ayında, həmçinin COP29 çərçivəsində noyabrda keçirdiyim görüşləri yaxşı xatırlayıram. Fürsətdən istifadə edərək, COP29-da fəal iştirakınıza görə sizə təşəkkür edirəm. Biz Gürcüstanın qlobal səviyyədə iqlim dəyişikliyinə qarşı mübarizəyə verdiyi töhfələri yüksək qiymətləndiririk. Bugün biz iqtisadi əməkdaşlıq üzrə Hökumətlərarası Komissiyanın 10-cu yubiley iclasını keçiririk. Əminəm ki, bizim müzakiərələr, qəbul ediləcək qərarlar, protokollar və ikitərəfli sənədlər ölkələrimiz arasındakı münasibətlərin bundan sonra da inkişaf etməsinə vəsilə olacaq”, - deyə Əli Əsədov qeyd edib.
Onun sözlərinə görə, İrakli Kobaxidzenin səfəri çərçivəsində həmçinin, Gürcüstan səfirliyinin yeni binası üçün ayrılmış torpaq sahəsinə də baş çəkilməsi nəzərdə tutulur.
"Bu torpaq sahəsi Azərbaycan Respublikasının Prezidentinin göstərişi və Nazirlər Kabinetinin qərarı ilə ayrılıb. O Bakının mərkəzində, şəhərin ən gözəl yerlərindən birində yerləşir”, -deyə Azərbaycanlı baş nazir bildirib