Bakı. Trend:
Paris "Sent-Jermen" növbəti mövsüm heyətini gücləndirmək məqsədilə yeni futbolçu axtarışlarını davam etdirir.
Trend xəbər verir ki, Fransa nəhəngi "Portu"nun istedadlı yarımmüdafiəçisi Rodriqo Moranı transfer etməyi planlaşdırır.
Bu barədə idman jurnalisti Luis Koelyo öz "X" hesabında məlumat paylaşıb. Bildirilir ki, PSJ 17 yaşlı futbolçu üçün Portuqaliya klubuna 45 milyon avro ödəməyə hazırdır.
Qeyd edək ki, Rodriqo Mora "Portu" akademiyasının yetirməsidir və gələcəyin perspektivli oyunçularından biri hesab olunur.