Bakı. Trend:
19 yaşadək futzalçılardan ibarət Azərbaycan milli komandası Avropa çempionatının əsas mərhələsində ilk oyununu keçirib.
Trend xəbər verir ki, 7-ci qrupda mübarizə aparan U-19 millisi Xorvatiyanın Omiş şəhərində Bosniya və Herseqovina yığması ilə qarşılaşıb. Ribnjak İdman Sarayında baş tutan görüş Azərbaycan komandasının 2:10 hesablı məğlubiyyəti ilə yekunlaşıb.
Qeyd edək ki, Azərbaycan millisi qrupdakı növbəti oyununu sabah Xorvatiya yığmasına qarşı keçirəcək. Qarşılaşma Bakı vaxtı ilə saat 22:00-da başlayacaq.