Bakı. Trend:
Türkiyə Futbol Federasiyasının (TFF) Peşəkar Futbol İntizam Komitəsi (PFDK) hakimlərin mərc oyunlarında iştirakı ilə bağlı araşdırması çərçivəsində referilərə verilən cəzaları açıqlayıb.
Trend bu barədə xarici KİV-ə istinadən xəbər verir.
TFF-nin məlumatında bildirilir ki, mərc oyunlarında iştirak etdiyi müəyyən edilmiş 149 hakimə 8 ilə 12 ay arasında hakimlikdən məhrumetmə cəzası verilib.
Yüksək dərəcəli hakimlər Zorbay Küçük və Melih Kurt, eləcə də dərəcə hakimi Mertcan Tubayla bağlı araşdırmanın isə davam etdirilməsinə qərar verilib.