Bakı. Trend:
Qazaxıstanın "Jenis” klubunun müdafiəçisi Matiya Rom karyerasını Azərbaycanda davam etdirə bilər.
Trend xəbər verir ki, bu barədə onun agenti Adriyan Mlinar məlumat verib.
"Vesti.kz" portalına açıqlama verən Mlinar sloveniyalı futbolçunun Azərbaycandakı mümkün çıxışı barədə bunu deyib:
"Jenis"ə qayıtmayacaq. Yəqin ki, Azərbaycandakı klublardan biri ilə razılığa gələcəyik. Hansı klubla? Bunu təxmin etmək asandır. "Qarabağ", yoxsa "Neftçi"? Xeyr, təəssüf ki, heç biri. Amma təxmin etmək asandır”.
Sloveniyanın U-21 yığmasının sabiq üzvü olan sağ cinah müdafiəçisi “Domjale”, “İnter”(Zapreşiçe), “Kolos”, “Şibenik”, “Telavi” klublarında da oynayıb.