...

“Məşğulluq marafonu”na təqdim edilən vakansiyaların sayı açıqlanıb

İqtisadiyyat Materials 7 Dekabr 2021 15:31 (UTC +04:00)
“Məşğulluq marafonu”na təqdim edilən vakansiyaların sayı açıqlanıb

Bakı. Humay Ağacanova - Trend:

Əmək və Əhalinin Sosial Müdafiəsi Nazirliyi tərəfindən bu ilin iyun ayında başladılan “Məşğulluq marafonu”na bu günədək 593 işəgötürən (52,6%-i dövlət, 47,4%-i özəl) qoşularaq 3760 vakansiya təqdim edib.

Nazirlikdən Trend-ə verilən məlumata görə, “Qəhrəmanlarımızın məşğulluğuna birgə dəstək olaq!” devizi altında keçirilən marafonun məqsədi Vətən müharibəsi şəhidlərinin ailə üzvlərinin və müharibədə yaralanmış qazilərimizin məşğulluğuna dəstək verməkdir.

Marafona təqdim edilən vakansiyalar üzrə həmin kateqoriyalardan olan artıq 1239 nəfər (200 şəhid ailəsi üzvü və 1039 qazi) işlə təmin olunub. Hazırda da vakansiyalar üzrə göndərişlərin verilməsi davam edir.

“Məşğulluq marafonu”na qoşulmaq istəyən işəgötürənlər vakansiyaları barədə, işlə təmin olunmaq istəyən şəhid ailəsi üzvləri və Vətən müharibəsində yaralanmış qəhrəmanlarımız isə özləri haqqında məlumatları

https://dma.gov.az/layiheler/mesgulluq-marafonu linkinə daxil olmaqla qeyd edə bilərlər.

Məqalədə:
Xəbər lenti

Xəbər lenti