Bakı. Trend:
Yaşıl Kart sistemlərinin inteqrasiyası Azərbaycanla Türkiyə arasında ticarət əlaqələrinə töhfə verəcək.
Trend-in məlumatına görə, bunu Türkiyə Sığortaçılar Birliyinin sədri Atilla Benli deyib.
O qeyd edib ki, əsas məqsəd Azərbaycan və digər türk dövlətləri ilə əməkdaşlığı möhkəmləndirməklə yanaşı sığorta sistemini inkişaf etdirməkdir.
"Hədəflədiyimiz məqsədləri hazırda Azərbaycanla reallaşdırmaq üzrəyik. Bu gün imzalanacaq protokol Azərbaycanla-Türkiyə arasındakı ticari daşınmaya öz töhfəsini verəcək", - deyə o bildirib.
Qeyd edək ki, İcbari Sığorta Bürosu ilə Türkiyə Motorlu Taşıt Bürosu arasında Yaşıl Kart sistemlərinin inteqrasiyası üzrə əməkdaşlıq protokoluna əsasən Türkiyə və Azərbaycan gömrük-sərhəd keçid məntəqələrində hər iki ölkənin Yaşıl Kartlarının etibarlılığının rəqəmsal texnologiyalardan istifadə edilməklə yoxlanılması mümkün olacaq.