Bakı. Trend:
Ələt azad iqtisadi zonasının (AİZ) genişləndirilməsi planlaşdırılır.
Trend-in məlumatına görə, bunu AİZ-in Səlahiyyətli Qurumunun idarə heyətinin sədri Valeh Ələsgərov Bakıda keçirilən Aİ-Azərbaycan biznes forumunda deyib.
Onun sözlərinə görə, AİZ rəqabətqabiliyyətli mühitin yaradılmasına yönəlmiş iqtisadi siyasətin vacib hissəsinə çevrilib: "Bizim məqsədimiz Azərbaycanda biznesə investisiyalar üçün ən yaxşı şəraiti yaratmaqdır. Avropa İttifaqı şirkətlərini Ələt AİZ-lə əməkdaşlığa çağırırıq",
O, həmçinin, Ələt AİZ-in investisiya imkanlarından danışıb.
"Azad iqtisadi zonanın genişləndirilməsi planlaşdırılır, tikinti işlərinin bu ilin iyulunda başa çatması nəzərdə tutulub. Biz AİZ-in rezidentləri üçün ən yaxşı biznes mühiti yaradacağıq. Eyni zamanda, gələcəkdə rezidentlərimizin biznesinin genişlənməsi və artımını təmin edəcəyik", - V.Ələsgərov deyib.
(Tərcümə: Orxan Nəbiyev)