Bakı. Trend:
2023-cü ilin ilk 2 ayı ərzində texniki pasportun və ipoteka müqavilələrinin sayı artıb.
Bu barədə Trend-ə İqtisadiyyat Nazirliyi yanında Əmlak Məsələləri Dövlət Xidmətindən məlumat verilib.
Bu dövrdə 68 883 daşınmaz əmlakın texniki inventarlaşdırılması aparılıb və texniki pasportu tərtib edilib. Ötən ilin eyni dövrü ilə müqayisədə bu 74,1% artım deməkdir.
Qeydiyyata alınan ipoteka müqavilələrinin sayı ötən ilin eyni dövrü ilə müqayisədə 22,8% artaraq 12 102 olub.