Bakı. Trend:
Azərbaycanda avtomobillərin utilizasiyası üzrə operator müəyyən edilir.
Trend-in məlumatına görə, bu barədə məsələ Milli Məclisin Təbii ehtiyatlar, energetika və ekologiya, İqtisadi siyasət, sənaye və sahibkarlıq komitələrinin birgə iclasında müzakirə edilən "İstehsalat və məişət tullantıları haqqında" Azərbaycan Respublikasının Qanununda dəyişiklikdə əksini tapıb.
Dəyişikliyə əsasən, müvafıq icra hakimiyyəti orqanının müəyyən
etdiyi orqan tərəfindən nəqliyyat vasitələrinin utilizasiyası üzrə
operator müəyyən edilir.
Operator aşağıdakı funksiyaların icrasını təşkil və təmin edir:
nəqliyyat vasitələrinin utilizasiyası fondunun vəsaitlərinin idarə
olunması;
utilizatorların reyestrinin aparılması, saxlanılması və ona
nəzarət;
bu Qanunun 14-9-cu və 14-10-cu maddələrində nəzərdə tutulan yazılı
məlumatların alınması;
bu Qanunun 14-9-cu maddəsinin üçüncü hissəsinə uyğun olaraq
təsdiqedici sənədlərin uçotunun aparılması.
Operator nəqliyyat vasitələrinin utilizasiyası fəaliyyəti ilə
məşğul ola bilməz.
Operator ona təqdim olunmuş məlumatları ümumiləşdirərək hər növbəti
təqvim ili fevralın 20-dək müvafiq icra hakimiyyəti orqanının
müəyyən etdiyi orqana yazılı məlumat verir.