Bakı. Trend:
Bu ilin yanvar-oktyabr ayları ərzində Azərbaycanda 264,1 min ton bentonit istehsal olunub.
Trend bu barədə Dövlət Statistika Komitəsindən məlumat əldə edib.
Bildirilib ki, bu göstərici 2024-cü ilin eyni dövrü ilə müqayisədə 71,6 min ton və ya 37,2% çoxdur.
Cari ilin noyabrın 1-i vəziyyətinə hazır məhsul ehtiyatı 243,1 min ton təşkil edib.
Qeyd edək ki, Azərbaycanda 2025-ci ilin yanvar-oktyabr ayları ərzində mədənçıxarma sənayesində istehsalın ümumi dəyəri 32 milyard manat olmaqla, əvvəlki ilin müvafiq dövrünə nisbətən 2,1 faiz azalıb.