Bakı. Trend:
2025-ci il ərzində Azərbaycanda bankların kredit portfeli 1,3% və ya 377,5 milyon manat artaraq 30,1 milyard manat təşkil edib.
Trend bu haqda Azərbaycanın Mərkəzi Bankına istinadən xəbər verir.
Kredit portfelinin strukturunda biznes kreditlərinin payı 53,6% (16,1 milyard manat), istehlak kreditlərinin payı 31,1% (9,4 milyard manat), ipoteka kreditlərinin payı isə 15,4% (4,562 milyard manat olub).
Bankların öhdəliklərinin strukturunda ənənəvi olaraq depozit portfeli üstünlük təşkil edir – ümumi öhdəliklərin 76,8%-i və ya 38,2 milyard manat.
Qeyd olunur ki, depozit portfelinin 57,3%-i (21,9 milyard manat) hüquqi şəxslərin depozitlərinin, 42,7%-i (16,3 milyard manat) isə fiziki şəxslərin əmanətlərinin payına düşür (fərdi sahibkarlıq fəaliyyəti ilə məşğul olan fiziki şəxslərin depozitləri istisna olmaqla).
Fiziki şəxslərin əmanətlərinin 68,5%-i (11,2 milyard manat) milli valyutada, 31,5%-i (5,1 milyard manat) isə xarici valyutada yerləşdirilib.
Fiziki şəxslərin depozit portfelinin 63,2%-ni (10,3 milyard manat) müddətli əmanətlər təşkil edir.
Dekabr ayında fiziki şəxslərin müddətli əmanətləri 3,5% (352,1 milyon manat), tələb olunanadək əmanətləri isə 2,1% (123,7 milyon manat) artıb.