Bakı. Trend:
Fermer təbiət qüvvələrindən çox asılıdı. Yağıntı, temperatur, quraqlıq, eroziya, zərərvericilər və xəstəliklər fermerin qarşılaşdığı təbiət qüvvələridir.
Trend xəbər verir ki, bunu BMT-nin Ərzaq və Kənd Təsərrüfatı Təşkilatınin (FAO) Azerbaycandakı Tərəfdaşlıq və Əlaqələndirmə Ofisinin rəhbəri Nasar Hayat bu gün Bakıda keçirilən “Risklərə Qarşı Aqrar Sığorta Çətiri” mövzusunda Sığorta Forumunda çıxışı zamanı bildirib.
Onun sözlərinə görə, iqlim dəyişikliyi səbəbindən kənd
təsərrüfatına təsir edən qüvvələr də dəyişir:
"Bunun öhdəsindən necə gələk? Biz onlara texnologiyanın tətbiqi ilə
kömək edirik. Faydalı və vacib olan yenilikləri tətbiq etməklə
dəstək oluruq. Amma bütün bunlar investisiya tələb edir. Hər bir
çətinlik bir fürsətdir. Albert Eynşteynin dediyi kimi, hər
problemin ortasında bir həll yolu var. Buna görə də, bu gün iqlim
dəyişikliyindən və planetin üzləşdiyi bütün çətinliklərdən
danışarkən, mövcud olan fürsətlərə və həll yollarına diqqət
yetirməliyik".
