Azərbaycan, Bakı, / Trend , müxbir S.Babayeva/ Azərbaycanın Ağdaş rayonunda keçirilən əmək yarmarkalarının yekunu üzrə 116 nəfər işə qəbul olunub. Bu barədə bazar ertəsi Azərbaycan Əmək və Əhalinin Sosial Müdafiəsi Nazirliyi Baş Məşğulluq İdarəsindən məlumat verilib.
32 müəssisə 193 vakant iş yeri təklif edib. İşə qəbul olunanlarla yanaşı, 15 nəfər hazırlıq kurslarına, 40 nəfər isə haqqı ödənilən ictimai işlərə göndərilib. İlin əvvəlindən Əmək və Əhalinin Sosial Müdafiəsi Nazirliyi Azərbaycanın 51 şəhər və rayonunda yarmarkalar keçirib və 4626 nəfər işlə təmin olunub.
Növbəti əmək yarmarkası sentyabrın 28-də Mingəçevirdə təşkil olunacaq.
