Azərbaycan, Bakı/ Trend , müxbir İ.Xəlilova/ 2007-ci ilin 30 iyununa qədər Avropa Yenidənqurma və İnkişaf Bankı (AYİB) Azərbaycanla təbii ehtiyatlar, energetika, nəqliyyat, aqrobiznes, daşınmaz əmlak sahələrində 739,1 mln. avro dəyərində ölkə və regional səviyyədə 80 layihə imzalayıb. Bu barədə bankın cümə günü elan etdiyi strategiyada göstərilib.
162,6 mln. avro əməliyyat vəsaitləri də daxil olmaqla, iyunun 30-na bankın xalis portfeli 482,4 mln. avro təşkil edib.
Avropa bankının portfelində əsas yeri ümumi həcmin 32,7 faizini təşkil edən təbii ehtiyatlar sahəsi təşkil edir.
Azərbaycanda 30 iyun 2007-ci ilə AYİB-n xalis investisya portfelinin strukturu:
| Sahə | Layihələrin sayı | Xalis portfel | Ümumi portfeldə xüsusi çəkisi | Əməliyyat xərcləri |
| Maliyyə institutları | 41 | 75,7 | 15,69 | 46,2 |
| İnfrastruktur | 3 | 129,8 | 26,91 | 44,8 |
| KOM | 1 | 4,6 | 0,95 | 4,6 |
| Nəqliyyat | 2 | 125,2 | 25,95 | 40,2 |
| Energetika | 13 | 259,3 | 53,75 | 62,7 |
| Təbii ehtiyatlar | 10 | 157,8 | 32,71 | 46,3 |
| Elektroenergetika | 3 | 101,5 | 21,04 | 16,4 |
| Xüsusi sənaye | 2 | 9 | 1,87 | 0,6 |
| Kənd Təsərrüfatı | 2 | 9 | 1,87 | 0,6 |
| Sənaye | 2 | 8,6 | 1,78 | 7,9 |
| Cəmi | 61 | 482,4 | 100 | 162,2 |