Azərbaycan, Bakı / Trend , müxbir A.Bədəlova/ Cümə axşamı "Bank Standard"ın idarə heyətinin sədri Səlim Krimanın verdiyi məlumata görə, Azərbaycanın böyük özəl banklarından biri olan "Bank Standard" dekabrın ortalarında minimum 35 mln. dollar məbləğində yeni sindikatlaşdırılmış kredit əldə edəcək. Sindikat "Raiffeisen Zentralbank Osterreich", Cənubi Afrikanın "Bank Standard"ı tərəfindən təşkil olunacaq, lakin Kriman bu siyahının genişlənəcəyini istisna etməyib.
"Kreditin məbləği 35 mln. dollar təşkil edir, lakin daha çox vəsaitin təqdim olunması da mümkündür. Kredit iki tranş şəklində bir il və ya yarım il müddətinə təqdim olunacaq" - deyə Kriman qeyd edib.
Krimanın sözlərinə görə, yeni kredit aprel ayında "Raiffeisen Zentralbank Osterreich" AG və Cənubi Afrikanın "Standard Bank Plc" şirkəti tərəfindən əldə edilmiş 24 mln. dollar məbləğində sindikatın bağlanmasından sonra təqdim olunacaq. Sindikat yarım il müddətinə LIBOR+3 faizi ilə təqdim olunub.
