Azərbaycan, Bakı / Trend , müxbir Ü.İsmayılova/ Azərbaycanın İqtisadi İnkişaf Nazirliyi yanında Antiinhisar Xidmətinin rəhbəri Samir Dadaşov "Əmlak" bazarı" jurnalına müsahibəsində bildirib ki, Azərbaycan iqtisadiyyatının müxtəlif sahələrində 97 inhisar təsərrüfatı fəaliyyət göstərir.
"İqtisadi potensial üstünlüklərindən rəqabətə təsir göstərmək üçün istifadə edən inhisar təsərrüfatlarırın bazarda payı 35% təşkil edir" - deyə Dadaşov bildirib.
Dadaşovun sözlərinə görə, əgər ölkədə inhisar olmasaydı, Azərbaycan daha yüksək iqtisadi inkişaf templərinə malik olardı.
2007-ci ildə Azərbaycanın iqtisadi inkişaf tempinin səviyyəsi 30%-dən çox olub.
Dadaşovun sözlərinə görə, antiinhisar xidməti inhisar faktlarının qarşısının alınması məqsədilə, müntəzəm olaraq, qiymətlərə təsir göstərən faktorların müəyyən olunması ilə bağlı tədbirlər, qiymətlərin dinamikasının təhlilini aparır.