Azərbaycan, Bakı, 25 yanvar/ Trend / Azərbaycan Dövlət Xəzər Dəniz Gəmiçiliyi dedveyti 12 334 ton olan "General Aslanov" tankerinin yeniləşdirilməsini həyata keçirir. Bu barədə Gəmiçilikdən məlumat veriblər. Tankerə dəniz gəmiçiliyinin təhlükəsizliyi üzrə beynəlxalq konvensiyaya uyğun olaraq ikinci bort quraşdırılır.
Gəmiçilik artıq analoji layihə üzrə tikilmiş "Şamxor" tankerini ikinci bortla təchiz edib. Ümumilikdə XDG-nin balansında üç belə tanker var. Gələcəkdə "Qafur Məmmədov" tankerində də yeniləşdirmə aparılacaq.
Xəzər dənizində işləyən tankerlərin ikinci bortla təchiz edilməsi 2010-cu ilədək mümkün olacaq. Bununla yanaşı, əgər bu vaxtadək gəminin istismar müddəti 25 ildən azdırsa onun ikinci bortla təchizatı daha gec müddətə təxirə salınır.
Gəmiçiliyin balanısnda ümumilikdə 41 tanker (bir sudaşıyan da daxil olmaqla) var. Onlardan arasında Rusiyadan alınmış yeddi tanker ikinci bortla təchiz olunub və bir tanker ("Şamxor") yeniləşdirmədən sonra istismara verilib.
