Azərbaycan, Bakı, 27 fevral / " , müxbir U.İsmayılova/ Maliyyə Nazirliyinin fevralın 15-də sığorta fəaliyyətinin lisenziyalaşdırılmasının uzadılmasından imtina etdiyi Azərbaycan-İran "Azer-Asiya" birgə sığorta şirkəti portfelini sıtışa çıxarıb. Bu barədə çərşənbə günü şirkətin İdarə Heyətinin sədri Qəmbər Suvanverdiyev məlumat verib.
Suvanverdiyevin sözlərinə görə, hazırda şirkətin təxminən 17 min fiziki və təqribən 60 korporativ müştərisi var və onların hamısı polislərinin satışı barədə məlumatlandırılıb.
Azərbaycan Maliyyə Nazirliyi fevral ayında "Azer-Asiya"nın sığorta fəaliyyətinin lizenziyalaşdırılmasının uzadılmasından imtina edib. Şirkətə lisenziya 2002-ci il noyabrın 21-də verilib. İmtinaya sığorta qanunvericiliyinə müvafiq olaraq, 2006-cı il oktyabrın 1-dən 2007-ci il oktyabrın 1-nə qədər "Azər-Asiya"nın fəaliyyətində aparılan təhlilin nəticələri səbəb. Yoxlamalar zamanı pozuntular aşkar olunub.
Suvanverdiyev bildirib ki, şirkət öz portfelini (bütün imzalanmış sığorta polislərini) müqavilə şərtlərini dəyişmədən digər yerli sığorta şirkətinə satmaq niyyətindədir.
İranın "Asiya Sıgorta" (49 faiz) və dövlət sığorta kommersiya şirkəti olan "AzerSıgorta"nın (51 faiz) təsisçisi olduğu "Azer-Asiya" Azərbaycanın sığorta bazarında 1997-ci ildən fəaliyyət göstərirdi.
Müəlliflə əlaqə saxlamaq üçün elektron ünvan : Capital
