Azərbaycan, Bakı, 13 mart/ " , müxbir İ.Xəlilova/ "Millikart" Məhdud Məsuliyyətli Cəmiyyətin (MMC) kapitalında iştirak məsələsinin müzakirəsi üçün Avropa Yenidənqurma və İnkişaf Bankının (AYİB) missiyası aprelin sonunda Bakıya səfər edəcək. Bu barədə cümə axşamı mərkəzin icraçı direktoru Cəlal Orucov məlumat verib.
Bu səfərdən sonra Avropa bankı iştirak payı, həmçinin əldə ediləcək paketin dəyəri ilə qəti olaraq müəyyənləşəcək. İlkin məlumatlara görə, bank 10-19 faiz arasında paket əldə etməyə ümid edir.
Orucovun sözlərinə görə, AYİB-in "Millikart"ın səhmdarlarının sırasına daxil olması əlavə emissiyaların hesabına baş verəcək. Əvvəllər ona nominal üzrə "ParaBank" səhmdar-kommersiya bankının güzəştə getməyə hazır olduğu 9 faiz səhm vermək planlaşdırılırdı. 2006-cı il iyulun 14-də MMC təsis edilərkən, "ParaBank" 10 faiz iştirak payı ilə onun səhmdarları sırasına daxil olub.
Lakin sonra o, 9 faizi satmaq və öz mülkiyyətində cəmi bir faiz saxlamaq niyyətində olduğunu bildirib. Lakin Orucov qeyd etdiyi kimi, "ParaBank" bu planlardan imtina edərək, bütün səhm paketini özündə saxlayıb. Bununla əlaqədar olaraq, AYİB-in səhmdarlığa daxil olması əlavə emissiyaların hesabına mümkündür.
Bu gün üçün bankların mərkəzin kapitalında iştiraklarının minimal ölçüsü 1, maksimal isə 10 faiz təşkil edir. Hazırda o, 18 səhmdar tərəfindən 4 mln. manat həcmində formalaşdırılıb.
Mərkəzin təsisçiləri bunlardır: "Atabank", "Azərdəmiryolbank", "Azertürkbank", "Bank of Baku", "Azerbaijan Senayye Banki", "Debütbank", "Əmrahbank", "Xalqbank", "Kredobank", Azərbaycan Mikromaliyyələşdirmə Bankı, "ParaBank", "Rabitəbank", "Bank Respublika", "Bank Standard", "Texnikabank", "Turanbank", "UniBank" və "Zaminbank".