Azərbaycan, Bakı, 12 may / Trend , müxbir İ.Xəlilova/ Asiya İnkişaf Bankı (AİB) Azərbaycan hökuməti ilə dəmir yol infrastrukturunun təkmilləşdirilməsi üçün 550 mln. dolların verilmə mümkünlüyü üzrə müzakirələrə başlayır. Bu barədə bazar ertəsi bankın Bakı nümayəndəliyindən məlumat verilib. Bu vəsaitin bir zərfdə bir neçə layihənin toplanmasını nəzərdə tutan Multitranche Financing Facility (MFF) mexanizm çərçivəsində ayrılması güman olunur.
Asiya Bankı ilk dəfədir ki, 500 mln. dollar (Bu günə qədər bu zərfdən hələ ki, 200 mln.dollar həcmində olan bir layihə təsdiq edilib) həcmində vəsaitin ayrıldığı avtoyol layihələrinin maliyyələşdirilməsi üçün bu mexnizmi tətbiq edir.
Dəmir yolu layihələrinin maliyyələşdirilməsi üzrə məsləhətləşmələr AİB-nın Azərbaycanda nəqliyyat layihələri üzrə yeni kuratoru Don So Pyonun (Doong So Pyo) gələn həftə Bakıya səfəri zamanı aparılacaq.
Hökumətdə dəmir yolu təsərrüfatı sahəsində layhələr üzrə bütün məbləğin AİB-ə təklif olunacağına əmin deyillər. Belə ki, bu layihələrdə iştirak etmək istəyənlər çoxdur, dəmir yolu infrastruktunun təkmilləşdirilməsi üzrə Dövlət Proqramı 1,252 mlrd. manat dəyərində qiymətləndirilir.
AİB öz təklifində ilk dəfə olaraq libor+0,6 faizdən libor+0,2 faizinə qədər qeyri-konsessiya borcları üzrə maliyyə şərtlərini yüngülləşdirməyə hazır olduğunu bildirmişdi. Yeni şərtlər üzrə kredit vəsaitləri konkret olaraq dəmir yolu layihələri üzrə təklif olunub. Vəsaitlər 8 illik güzəştli dövr ilə 25 il müddətinə təqdim oluna bilər. Asiya Bankı borc üzrə faizlərlə yanaşı, xidmətə görə komisyon haqlarının (0,35 faizdən 0,25 faizədək) azaldılmasını təklif edib.
Hökumətdə hesab edirlər ki, AİB vəsaitləri ölkədə dəmir yol infrastrukturunun təkmilləşdirilməsi üzrə ikinci mərhələninin reallaşdırılması üçün - yeni dəmir yol nəqliyyatı vasitələrinin, lokomotivlərin cəlb edilməsi, dəmir yol vasitələri xəttinin sürətinin artırılması üçün təklif oluna bilər. Dünya Bankı artıq birinci mərhələ üçün 450 mln. dolların ayrılmasını təsdiq edib.
Hökumət AİB ilə 1999-cu ildən əməkdaşlıq edir və bu günə qədər bank ölkə üçün hökumət zəmanəti altında 304 mln. dollar həcmində krediti təsdiq edib.
Qeyr-konsessiya maliyyələşdirilməsi ilə yanaşı, AİB, 8 illik güzəştli dövr də daxil olmaqla, 32 il müddətinə, güzəştli dövr ərzində illik 1 faiz dərəcə, amartizasiya dövründə isə, illik 1,5 faiz dərəcə ilə güzəştli kredit ayırır.
Müəlliflə əlaqə saxlamaq üçün elektron ünvan : [email protected]
