Azərbaycan, Bakı, 13 may / Trend , müxbir E.İsmayılov/ Bakı metropoliteninin yeni "Nəsimi" stansiyasının açılışı sentyabrın 15-nə planlaşdırılıb. Bu haqda Bakı metropoliteninin rəhbəri Tağı Əhmədov çərşənbə axşamı bildirib.
"İnşasına 2008-ci ildə başlanılan "Azadlıq" stansiyasının isə 2009-cu ilin sonlarında təhvil verilməsi planlaşdırılır", Əhmədov əlavə edib.
Dərnəgül istiqamətində stansiyanın və ikinci deponun inşası 2010-2012-ci illər üçün nəzərdə tutulur.
Bu il metropoliten tərəfindən 36 vaqon alınması planlaşdırılır. İlk on vaqon artıq istismara buraxılıb. On vaqondan ibarət ikinci hissə noyabrda alınacaq. Metropoliten rərbəri həmçinin bildirib ki, qalan on altı vaqon dekabr ayında tədarük ediləcək.
Müəlliflə əlaqə saxlamaq üçün elektron ünvan: [email protected]
