Azərbaycan, Bakı, 14 may/ Trend , müxbir Ü.İsmayılova/ Maliyyə Nazirliyinin mayın 13-dən etibarən, nəqliyyat vasitəsi sahiblərinin mülki məsuliyyətinin icbari OSAQO sığorta növü xidmətinin göstərilməsinə verilən icazənin ləğvi yolu ilə lisenziyası məhdudlaşdırdığı Azərbaycanın Absheron Sigorta sığorta şirkəti, sığorta xidmətinin bu növünün göstərilməsinə icazə ilə bağlı Sığorta Nəzarəti Xidmətinə yenidən müraciət etmək niyyətində deyil.
"Bu sığorta növü zərərlidir və buna görə də, təkrar icazənin alınması üçün Maliyyə Nazirliyinə müraciət şirkətin planlarına daxil deyil", - şirkətin hüquqşünası Rizvan Məmmədov çərşənbə günü bildirib.
Məmmədov şirkətin əlavə 17 sığorta növü xidmətinin göstərilməsinə lisenziyasının olduğu və bu lisenziyalar üzrə öz fəaliyyətini davam etdirəcəyini bildirib.
Lisenziyanın məhdudlaşdırılmasının səbəbi "Nəqliyyat vasitəsi sahiblərinin mülki məsuliyyətinin icbari sığortası haqqında" Qanunun ciddi şəkildə pozulması olub. Qanun pozuntuları "Abşeron"un fəaliyyətinin yoxlanılması zamanı aşkar edilib.
Maliyyə Nazirliyi Baş Sığorta Nəzarəti İdarəsinin rəhbəri Namiq Xəlilovun çərşənbə günü bildirdiyinə görə, "Abşeron" şirkətinin, digər çatışmazlıqlarla yanaşı, Mərkəzi Sığorta Fondu və Ehtiyat Tədbirləri Fonunda, "Nəqliyyat vasitəsi sahiblərinin mülki məsuliyyətinin icbari sığortası haqqında" Qanunda nəzərdə tutulmuş məcburi ödəmələr üzrə nəzərəçarpacaq borcları var.
Şirkətin hüquqşünası bildirib ki, borclarla bağlı məsələ həll edilib. Şirkət daxilində təkrar yoxlamalar zamanı, "şirkətin Dövlət Sığorta Nəzarəti Xidmətinə borcların göstərildiyi düzgün olmayan hesabat təqdim etdiyi" aşkar edilib.
""Sığorta fəaliyyəti haqqında" Qanuna əsasən, belə borcun olması məcburi sığorta növü üzrə fəaliyyətin həyata keçirilməsinə əvvəllər verilmiş icazənin ləğvi yolu ilə sığorta fəaliyyətinə dair lisenziyanın məhdudlaşdırılmasının əsasıdır".
Birinci rübün yekunlarına görə, şirkət 0,12 mln. manat sığorta haqqı toplayıb. Ödəmələr 0,004 mln. təşkil edib.
Son illər ərzində şirkət iki idarə heyəti sədrini dəyişib. Sədrlərin sözlərinə görə, sığorta fəaliyyətinin aparılması üçün normal şəraitin olmaması onların vəzifədən getməsinə səbəb olub.
Özəl şirkətin səhmdarları iki fiziki şəxsdir. Şirkətin Nizamnamə kapital 1,2 mln. manat təşkil edir.
Müəlliflə əlaqə saxlamaq üçün elektron ünvan: [email protected]