Azərbaycan, Bakı, 20 may / Trend , müxbir İ.Xəlilova/ Azərbaycan İxrac və İnvestisiyaların Təşviqi Fondu (AZPROMO) Azərbaycan-Belaorus biznes-forumu çərçivəsində iki sazişin imzalanacağını planlaşdırır. Bu haqda çərşənbə axşamı Fonddan verilən məlumatda bildirilib. Biznes-forum Minskdə iyunun 2-4 keçiriləcək.
"AZPROMO" Belarusun Ticarət Palatası ilə informasiya mübadiləsi haqqında saziş və ölkənin Xarici İşlər Nazirliyi nəzdində olan Marketinq və Qiymətlərin Konyukturası Mərkəzi ilə saziş imzalayacaq.
Biznes-forumunun işində iştirak etmək üçün Belarusa yola düşəcək Azərbaycan nümayəndə heyyətinə "AZPROMO"-nun prezidenti Emil Məcidov rəhbərlik edəcək. Nümayəndə heytinin tərkibinə inşaat, qida sənayesi və maşınqayırma sahəsində ixtisaslaşan on yerli şirkətin nümayəndələri daxil olacaq.
Bu, iki ölkə arasında işgüzar dairələrin ikinci görüşü olacaq. İlk biznes-forum 2008-ci ilin yanvarında Bakıda keçirilib.
Son illər ölkələr arasında qarşılıqlı əlaqələr genişlənib, lakin hazırki mal dövriyəsinin həcmi iki ölkə əlaqələrinin real iqtisadi potensialını əks etdirmir. Beş il ərzində iki ölkə arasında mal dövriyyəsi beş dəfə artıb, lakin 2006-cı ilin nəticələrinə görə onun həcmi cəmi $37 mln. , ötən il - $79,3 mln. təşkil edib. Bu göstəricinin $76,9 mln.-u idxalın payına düşüb.
İki ölkə arasında iqtisadi qarşılıqlı münasibətlərin mühüm istiqaməti BM-in təşkili və onun fəaliyyəti üçün əlverişli şərait yaratmaqdır. Hal-hazırda Azərbaycan Respublikasında Belarus tərəfinin iştirakı ilə 12 firma və müəssisə qeydə alınıb. "Bakı fəhləsi" Maşınqayırma Zavodu və Belarusun "MZKT" müəssisəsi arasında neft və qaz quyularının qazma işləri üçün mobil qazma qurğularının birgə istehsalına dair əməkdaşlıq həyata keçirilir.
Azərbaycanın Beynəlxalq Bankı təsərrüfat subyektlərinin ixrac-idxal əməliyyatlarını kreditləşdirmək məqsədilə hesablama hesabı açıb. Uzunmüddətli və əlverişli qarşılıqlı əlaqələrin qurulması üçün ABB və "Belpromstroybank" ASC arasında işlər aparılır.
Mayın 20-nə olan rəsmi məzənnə 0,8262 AZN/USD təşkil edir.
Müəlliflə əlaqə saxlamaq üçün elektron ünvan: [email protected]
