Azərbaycan, Bakı, 26 may/ Trend , müxbir İ.Xəlilova/ İsveçrə hökuməti İqtisadi Məsələlər üzrə Dövlət Katibliyinin (Seco) tarixində ilk dəfə olaraq, Azərbaycan üçün reallaşdırılma dövrü beş il olan iki layihəni təqdir edib. Belə ki, indiyədək maksimum iki-üç il üçün nəzərdə tutulan layihələr olub. Bu barədə bazar ertəsi Seco-da Milli Proqramın rəhbəri Nailə Səfərova məlumat verib. Korporativ idarəetmənin inkişafı (ikinci faza), investorların hüquqlarının müdafiəsi və kapital bazarının inkişafına texniki yardım üzrə layihələrin hər birinə 4 mln. avrodan çox vəsait ayrılıb.
"Layihələr Seco-nun İdarə Heyəti Şurası tərəfindən təqdir olunub. Belə ki, bu layihələrdə hökumətin böyük töhfəsi və özəl biznesin inkişafı üzrə öhdəliklər göstərilib", - Səfərova qeyd edib.
Bu layihələr Seco-nun 2008-2011-ci illəri əhatə edəcək Cənubi Qafqaz ölkələrinə texniki yardımın göstərilməsi üzrə fəaliyyət strategiyasına daxil edilib. O, iki istiqamətdə cəmləşdiriləcək: birincisi - iqtisadi inkişaf, ikincisi isə makroiqtisadiyyat.
Mövcud strategiya çərçivəsində Azərbaycan üçün 2007-ci ilin büdcəsi $5 mln. məbləğində müəyyənləşdirilib. Növbəti illərdə yardımın həcmi cüzi dəyişəcək və ildə təqribən $5 mln. təşkil edəcək.
Yardım iki xətlə göstəriləcək - Seco və İnkişaf və Əməkdaşlıq üzər İsveçrə Agentliyi.
Seco-nun fəaliyyəti infrastrukturun dəstəklənməsi, maliyyə sektorunun iriləşdirilməsi, özəl sektorun inkişafı və AR-ın Ümumdünya Ticarət Təşkilatına daxil olmasına yönəldilib. Agentliyin yardımı gələcək nəsillər üçün gəlirlərin təmin edilməsinə istiqamətlənib.
Mayın 26-na olan rəsmi məzənnə - 0,8225 AZN/USD.
Müəlliflə əlaqə saxlamaq üçün elektron ünvan: [email protected]
