Azərbaycan, Bakı, 26 may/ Trend , müxbir S.Babayeva/Azərbaycanda "quş qripinin" yoxlanılması üzrə monitorinqlər noyabrda bərpa olunacaq. Bu barədə bazar ertəsi Kənd Təsərrüfatı Nazirliyi nəzdində Dövlət Baytarlıq Xidmətinindən məlumat veriblər.
"Ölkədəki epizootik sabitliyi, ilin əvvəlindən keçirilmiş monitorinqlərin yekunlarını, köçəri, sinantrop quşlar və onların miqrasiyasında bu xəstəliyin əlamətlərinin olmamasını nəzərə alaraq, biz növbəti monitorinqi noyabrda keçirmək qərarına gəlmişik", - dövlət xidmətindən bildiriblər.
Bu il dörd monitorinq nəticəsində, ev və vəhşi quşların 7 mindən çox qan nümunəsi və patoloji materialı öyrənilib.
Monitorinq Abşeron yarımadası və yaxın əraziləri, Dəvəçi, Salyan, Ağcabədi və Lənkəran rayonlarını, Xəzərin sahilyanı zolağını əhatə edir.
Ötən il Dövlət Xidməti Azərbaycanda 12 monitorinq həyata keçirib, 8 mindən çox çöl və ev quşu nümunəsini tədqiq edib və onların heç birində virus daşıyıcısı aşkar etməyib.
Müəlliflə əlaqə saxlamaq üçün elektron ünvan:[email protected]