Azərbaycan, Bakı, 17 iyun / Trend , müxbir S.Babayeva/ Azərbaycanın Standartlaşdırma, Metrologiya və Patent üzrə Dövlət Agentliyi bir sıra müəssisələrin işində nöqsanlar aşkar edib. İdarədən verilən məlumata görə, müvəqqəti olaraq satışın dayandırılması və nöqsanların aradan qaldırılmasına dair rəsmi məktub yuyucu və kosmetik vasitələr istehsal edən "Pakan LTD" və "Klassik Co LTD", həmçinin boya istehsal edən "İmdad" şirkətlərinə təqdim olunub.
Analoji tədbirlər meyvə şirələri və spirtsiz içkilər istehsal edən "Cem LTD" və "Akvaekspro" şirkətlərinə də tətbiq olunub.
Azərbaycanın Standartlaşdırma, Metrologiya və Patent üzrə Dövlət Agentliyi ölkə prezidentinin fərmanına əsasən 2001-ci ilin dekabrında yaradılıb.
Agentlik İcra Hakimiyyətinin standartlaşdırma, metrologiya, patent və sənaye mülkiyyəti obyektlərinin mühafizəsi sahələri üzrə formalaşan və dövlət siyasəti həyata keçirən mərkəzi orqanıdır.