Azərbaycan, Bakı, 27 avqust/ Trend Cap müxbir İ.Xəlilova/ Alman İnkişaf Bankı KfW Azərbaycan hökuməti ilə daşınmaz əmlakın vahid qeydiyyat sistemi və kadastrının yaradılması layihəsinin sınaq fazasının realizəsi haqqında razılığa gəlib.
Bu barədə çərşənbə günü KfW-in Bakı ofisinin rəhbəri Natiq Abdullayev məlumat verib.
"Alman hökuməti əsas layihənin başlamasına hazırlıq fazasının həyata keçirilməsinə qrant şəklində əlavə vəsait ayırmağa hazırdır, - o bildirib. Qrantın məbləği hələ dəqiqləşdirilməyib, lakin bank vəsaitlərin ayrılması üçün artıq Almaniya hökumətinə müraciət edib".
Abdullayevin sözlərinə görə, sınaq faza torpaqların, sahələrin və daşınmaz əmlakın qeydiyyatının aparılması üçün Gəncə şəhəri və Şəki rayonunda sistemli kadastr uçotunun aparılmasını nəzərdə tutur. Geodeziya tədqiqatları əsasında onların dəqiq koordinatları kadastr xəritəsinə daxil ediləcək.
Layihəni altı-səkkiz ay ərzində realizə etmək nəzərədə tutulur. Bundan sonra əsas layihə başlayacaq və KfW bu layihə üçün ,5 mln. avro güzəştli kredit və təşkilati-benefisiarların institusionallaşması üçün 1 mln. avro ayırmağa hazırdır.
Yanvarda bank Azərbaycanın Daşınmaz Əmlakın Dövlət Reyestri Xidməti ilə Anlaşma protokolu imzalayıb.
KfW-in daşınmaz əmlakın qeydiyyatı layihəsi Dünya Bankının realizəsi artıq başlayan layihəsindən məhz geodeziya tədqiqatlarının aparılmasına yanaşma və bütün torpaq sahələri və daşınmaz əmlakın koordinatlarının dəqiqləşdirilməsi ilə fərqlənəcək. DB-nin Azərbaycan ərazisinin 40 faizini əhatə etməklə qeydiyyatın aparılacağı layihəsində bu, vəziyyətdən vəziyyətə ediləcək - onların alqı və ya satqı vaxtlarında. DB- nin Azərbaycanda daşınmaz əmlakın qeydiyyatı layihəsinin dəyəri $38,57 milyondur və bunun $30 milyonu bankın kreditinin payına düşür.
KfW-in layihəsinin əsas fazasının realizəsi üçün 30 ay tələb olunur.
Avqustun 27-nə olan cari məzənnə -- 0,8137 AZN/USD.
Müəlliflə əlaqə saxlamaq üçün elektron ünvan: cap