Azərbaycan, Lənkəran, 09 oktyabr/ Trend , müxbir P.Əliyeva/Azərbaycan hökuməti Qarabağ müharibəsi və Böyük Vətən Müharibəsi əllilərinin sosial təminatı məsələlərinə diqqəti artırır.
Masallı rayonunda Əmək və Əhalinin Sosial Müdafiəsi Nazirliyi їOkaїmarkalı 11 avtomobili və 10 əlil arabasını yeni sahiblərinə təqdim edib. ї1997-ci ildən indiyədək Masallıda yaşayan Qarabağ müharibəsi və Böyük Vətən Müharibəsi əlillərinə 15 avtomobil verilibї, - təqdimetmə mərasimində Əmək və Əhalinin Sosial Müdafiəsi naziri Füzuli Ələkbərov deyib.
Bu ilin əvvəlində əlillərə 11 əlil arabası verilib.
їEşitmə cihazları və 380 əlil arabası üçün növbədə duranların problemi bu ilin sonunadək həll ediləcəkї, - nazir bildirib.
Nazirliyin mətbuat xidmətindən bildiriblər ki, cari ilin sonunadək 708 əlil arabasının alınması planlaşdırılır.
2008-ci il ərzində əlillərə 496 mənzilin də verilməsi nəzərdə tutulub. Yeni sahiblərə artıq 280 mənzil verilib. Növbəti il 508 mənzilin tikilməsi nəzərdə tutulub.
Nazir ölkənin cənub regionuna səfəri çərçivəsində? Lənkəran rayonu əhalinin sosial müdafiəsi mərkəzinin yeni inzibati binasının açılışında da iştirak edib. Mərkəz 3500 ailəyə və ya 17500 şəxsə xidmət göstərir. Binada region üzrə dövlət əmək müfəttişliyi və əhalinin sosial müdafiəsi baş idarəsinin zona müfəttişliyi fəaliyyət göstərəcək.
Bu il rayonda 30 binanın tikintisinə başlanılıb. Onlardan 16-sı artıq istismara verilib, ilin sonunadək qalan binaların təhvil verilməsi gözlənilir.