...

Azərbaycan QTİB - in səhmlərinin ilk ödənişini 2009 - cu ilin sonunadək həyata keçirəcək

Biznes və iqtisadiyyat xəbərləri Materials 11 Oktyabr 2008 14:16

Trend-i buradan izləyin

Azərbaycan, Bakı, 11 oktyabr/ Trend , müxbir İ.Xəlilova/ Azərbaycan hökuməti 2009 - cu ilin sonunadək Qara dəniz Ticarət və İnkişaf Bankının (QTİB) əlavə səhm paketini alması, həmçinin, bankın səhmdar kapitalının iki dəfə artırılması ilə əlaqədar, 9 mln. SDR həcmində ilk ödənişi 2009 - cu ilin sonunadək həyata keçirmək niyyətindədir, - Azərbaycanın İqtisadi İnkişaf Nazirliyindən şənbə günü bildiriblər.

QTİB - in İdarəçilər Şurasının qərarına əsasən, Azərbaycanın bankın kapitalındakı payı 2 faizdən 5 faizədək artacaq. Qara dəniz Bankının elan edilmiş kapitalı üç dəfə artırılmaqla, 3 mlrd. SDR-ə ($4,5 mlrd.), səhmdar kapitalı isə, 2 dəfə artırılmaqla, 2 mlrd. SDR-ə çatdırılacaq.

Bankın  praktikasına əsasən, səhmdarlar səhmlərin yeni emissiyasının 30 faizini ödəməlidirlər. Bu gün Azərbaycana dəyəri 100 mln. SDR olan 100 min səhm məxsusdur. SƏhmlərin 80 mini iştirak payının və QTİB-in kapitalının artırılmasından sonra ölkənin mülkiyyətinə keçib.

Birdəfəlik ödəniş qismində ödəniləcək 30 faiz səhmdən payın 10 faizi ödənilir. Bu ödəniş 2010 - cu ildə, qalan 20 faiz isə, 8 il ərzində başa çatmalıdır. İştirak payının arıtırılması ilə əlaqədar, Azərbaycan dəyəri 30 mln. SDR olan əlavə paketin birinci 10 faizini 2009 - cu ilin sonunadək ödəməlidir. Müəyyən edilən qrafikə əsasən, Bankın kapitalının artırılması ilə əlaqədar, 10 faizin ödənilməsi artıq 2010 - cu ildə başa çatacaq.

Bundan sonra QTİB - in səhmləri səhmdarlar arasında aşağıdakı şəkildə paylanacaq: Yunanıstan, Rusiya və Türkiyə, hər biri 16,5 faiz payla, Bankın ən iri səhmdarlarıdırlar -- Rumıniya 14 faiz, Bolqarıstan və Ukrayna, hər biri 13,5 faiz, Azərbaycan 5 faiz, Albaniya  2 faiz, Ermənistan və Moldova,hər biri 1 faiz, Gürcüstan 0,5 faiz.

Səhmdarlar banka və onun üzv dövlətlərdə regional əməkdaşlıq və iqtisadi inkişafı irəlilətmək missiyasını tam dəstəklədiklərini bildiriblər. Onlar yeni regional iştirakçıları, beynəlxalq arenada tanınmış bank və maliyyə institutlarının cəlb edilməsi yolu ilə üzvlüyün genişləndirilməsinə dair strateji öhdəlikləri təsdiqləyiblər.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti