Azərbaycan, Bakı, 14 oktyabr/ Trend , müxbir E.İsmayılov/ Bakıda ilk dairəvi 95 saylı avtobus marşrutu fəaliyyətə başlayıb, - Azərbaycanın Nəqliyyat Nazirliyində daşınmalara yaxın mənbə çərşənbə axşamı bildirib.
"Yeni marşrut Nobel prospektindən hərəkətə başlayır və "Şəhidlər xiyabanı"nadək davam edir", - mənbə bildirib.
Digər yeni reyslər də açılıb - 85 və96 saylı marşrutlarda bu günlərdə Bakıya gətirilmiş Daewoo (Koreya) və MAN (Almaniya) markalı avtobuslar istifadə edilir. Ümumilikdə ölkəyə 37 avtobus gətirilib - 27 Daewoo və 10 MAN markalı.
Əvvəllər Nəqliyyat Nazirliyi 60 yeni MAN (Almaniya) və MAZ (Belarus) sərnişin avtobusu alıb və onlar marşrutlara buraxılıblar.
Nəqliyyat sistemində iri avtobusların tətbiqi respublikanın Nəqliyyat Nazirliyinin bir neçə həftə əvvəl kiçik tutumlu avtobusların Bakının mərkəzi küçələri ilə hərəkətinə qadağa qoyması ilə bağlıdır. Kiçik tutumlu avtobuslar ikinci dərəcəli marşrutlardan istifadə edilə bilər. Bu avtobusların hələlik şəhər kənarında və Bakının mərkəzi küçələrindən kənarda hərəkətinə icazə verilib.
Müəlliflə əlaqə saxlamaq üçün elektron ünvan: [email protected]
