Azərbaycan, Bakı, 08 noyabr/ Trend , müxbir Ü.İsmayılova/ "Maliyyə böhranı ilə əlaqədar olaraq, Azərbaycanın A-Group sığorta şirkətinin fəaliyyətində problem yaranmayıb", - şirkətin İdarə Heyətinin sədri Anar Bayramov şənbə günü bildirib.
"Şirkətimiz, əsasən, korporativ müştərilərin sığortalanması ilə məşğul olur", - Bayramov bildirib.
Onun sözlərinə görə, A-Group-un portfelində girov əmlakının sığortalanmasının payı cəmi 8-9 faiz təşkil edir.
Avqustdan etibarən, Azərbaycanın əksər bankları istehlak kreditlərinin, o cümlədən avtokreditləşdirməni dayandırıb. Bazarın portfelinin təxminən 80 faizini təşkil edən sığortanın bu növü bazarın inkşaf tendensiyalarının əks olunduğu əsas seqmentdir.
Azərbaycanın sığorta bazarında 1995-ci ildən fəaliyyət göstərən A-Group, ikisi icbari olmaqla, 19 növdə sığorta xidməti göstərir. Şirkətin Nizamnamə kapitalı 1,55 mln. manatdır. Yanvar - sentyabrda A-Group - un sığorta haqqları 16 faiz artıb və 5,1 mln. manat təşkil edib, ödənişlər 2,9 mln. manata bərabər olub. Avtomobillərin kompleks sığortalanması sahəsində şirkətin sığorta haqlarının həcmi 21 faiz artıb və 686 min manat təşkil edib.
Müəlliflə əlaqə ünvanı: [email protected]
