Azərbaycan, Bakı, 15 yanvar/ Trend , müxbir İ.Xəlilova/ Asiya İnkişaf Bankı (AİB) Azərbaycanda su təchizatı və kanalizasiya sisteminin bərpasına multitranş maliyyələşdirmə (MFF) təqdim etməyə hazırdır, - bankın Bakı nümayəndəliyindən cümə axşamı bildiriblər.
"Bu, AİB-in həyata keçirilməsi üçün ölkəyə ilk dəfə multitranş paket təqdim etdiyi yol layihələri ilə olduğu kimi, əlavə maliyyələşdirməyə artan tələbatı ehtiyat fondunun hesabına örtməyə imkan verəcək", - nümayəndəlikdən bildiriblər.
Hazırda Asiya Bankı Azərbaycan hökuməti ilə su təchizatı və sanitar xidmətlər sisteminin təkmilləşdirilməsi üzrə layihənin əhatə zonasının [Ağdaş, Göyçay və Naxçıvanda realizə olunur] əlavə maliyyələşdirmə hesabına daha üç rayon üzrə genişləndirilməsi imkanını müzakirə edir. Lakin onların sayının artacağı ehtimalı da istisna edilmir.
Hazırkı mərhələdə siyahıya Ağcabədi, Beyləqan və Balakəni əlavə etmək təklif olunur.
Nümayəndəlikdən altı rayona əlavə sərmayələrin və ya multitranş paketin həcminin nə qədər olacağını bildirməkdə çətinlik çəkiblər. Belə ki, bunun üçün yeni texniki-iqtisadi əsaslandırmanın hazırlanması tələb olunur. Bu istiqamətdə "Azərsu" SC ilə məsələ artıq işlənilir. Layihənin dəyərinin yenidən qiymətləndirilməsinə zərurət həmçinin tikinti materiallarının dəyərinin bahalaşması ilə əlaqədar yaranıb.
[Əvvəllər layihənin bahalaşmasını yalnız Azərbaycan hökumətinin layihədəki iştirak payının artırılması hesabına ötmək planlaşdırılırdı.]
Layihənin hazırkı dizaynı 2004-cü ildə hazırlanıb, bu dövr ərzində isə tikinti materiallarının qiymətləri xeyli artıb. İndiyədək, genişlənməsi nəzərə alınmadan, layihənin bahalaşması təxminən 5-6 mln. dollar qiymətləndirilirdi. Lakin nümayəndəlikdən qeyd ediblər ki, qiymətlərin indiki miqyasını nəzərə almaqla, xərclər yüksək olacaq. Azərbaycan tərəfinin təklifinə əsasən, layihənin əhatə etdiyi rayonlarda kanalizasiya sistemində müasir avadanlığın quraşdırılması da onun dəyərinə təsir edəcək. Bundan başqa, AİB-in layihəsində seçilmiş rayonlarda su təchizatı və kanalizasiya sisteminin tam bərpa olunmasını nəzərdə tutulur.
Layihənin ilkin dəyəri 39,9 mln. dollar təşkil edib. Asiya Bankı onun maliyyələşdirilməsi üçün 30 mln. dollar ayırıb, 9,9 mln. dollar isə Azərbaycan hökumətinin payına düşür.
2008-ci ildən layihənin realizəsi canlansa da, tikinti işləri hələ ki, başlamayıb. Su kəmərinin çəkilməsi üçün podratçının müəyyənləşdirilməsi üzrə birinci tenderə yaxın vaxtlarda yekun vurulacaq. Fevralda AİB-in missiyasının Bakıya səfəri gözlənilir. Səfər zamanı Azərbaycan hökuməti ilə əlavə maliyyələşdirmənin təqdim edilməsi və ya bu su layihəsinin multitranş paket çərçivəsində realizəsi məsələləri nəzərdən keçiriləcək.
Su layihəsi üzrə "Azərsu" SC-nin məsləhətçisi AICO Consulting Ltd/European Consultans Organization konsorsiumudur. Konsorsium üç ilə nəzərdə tutulmuş işlərin detallaşdırılması üzər hesabat hazırlayıb.
Layihənin realizə dövründə - 2010-cu ilədək Ağdaş, Göyçay və Naxçıvanda, əhatə zonası genişləndirildiyi halda isə Ağcabədi, Beyləqan və Balakəndə də su təchizatı sisteminin, infrastrukturun inkişafı üçün struktur dəyişiklikləri aparmaq planlaşdırılır.
Müəlliflə əlaqə saxlamaq üçün elektron ünvan: [email protected]