Azərbaycan, Bakı, 08 aprel / Trend , müxbir Ü.İsmayılova /
Azərbaycan Lizinq Şirkətləri Assosiasiyası (ALŞA) aprelin sonunda lizinq bazarı problemlərinin həllinə dəstəyin göstərilməsi üçün hökumətin iqtisadi bloku ilə Dəyirmi masa keçirmək niyyətindədir. Bu barədə Assosiasiyadan bildiriblər.
"Hazırda Assosiasiyada hazırlıq işləri gedir və bu mövzu ilə bağlı razılaşmalar aparılır. Yaxın vaxtlarda dövlət strukturlarına müraciət göndəriləcək", - assosiasiyadan bildiriblər.
Təşkilatın idarə heyətinin sədri əvvəllər bildirib ki, iclasda əlavə dəyər vergisinin (ƏDV) götürülməsi məsələsi (lizinq malları ƏDV-dən azad edilmiş mallar sıyahısına aiddir, lakin mallar reallaşdırılan zaman şirkətlər 18 faiz həcmində ƏDV vermək məcburiyyətində qalır ki, bu da lizinq predmetinin bahalaşmasına gətirib çıxarır), sürətləndirilmiş amortizasiyanın tətbiq edilməsi kimi məsələlər müzakirə olunacaq. Əvvəllər Azərbaycanın Vergi Məcəlləsində sürətləndirilmiş amortizasiyanı nəzərdə tutan maddə var idi, lakin o, ləğv edildi. Assosiasiya bu maddənin bərpa edilməsi təklifi ilə çıxış etmək niyyətindədir. Bu maddə təkcə lizinq bazarının deyil, ölkə iqtisadiyyatının digər sahələrinin də inkişafına xidmət edəcək.
ALŞA bank və sığorta şirkətlərində olduğu kimi, mənfəətin kapitallaşdırmaya yönəldilən hissəsinin müvəqqəti olaraq vergi ödəmədən azad edilməsi təklifi ilə də, hökumətə müraciət edəcək. Əvvəllər Assosiasiyadan bildiriblər ki, təşkilat Mülki Məcəllənin ölkənin lizinq bazarını nizamlayan maddələrinə "zamanın tələblərinə əsasən" əlavə və dəyişikliklərin edilməsi təklifi ilə çıxış etmək niyyətindədir.
Azərbaycanda ümumilikdə 20-dən çox lizinq şirkəti qeydiyyatdan keçib. Onlardan 12-13 fəaldır. 2008-ci il 1 oktyabr tarixinə olan vəziyyətə görə, bütün lizinq şirkətlərinin məcmu partfeli 235 mln. manatı ötüb. Belə ki, 2003-cü ildə bu göstərici cəmi bir mln. manat təşkil edib. ALŞA-nın prezidenti Elçin Əhmədov hesab edir ki, bazarın real potensialı iki dəfə artıqdır.
Məqalə müəllifi ilə əlaqə ünvanı - [email protected]