...

2011-ci ilin qışında Azərbaycanın Nəqliyyat Nazirliyi intellektual idarəetmə sisteminin yaradılmasını başa çatdıracaq

Biznes və iqtisadiyyat xəbərləri Materials 26 May 2009 16:51 (UTC +04:00)

Trend-i buradan izləyin

Azərbaycan, Bakı, 26 may / Trend , müxbir E.İsmayılov /

"Bakıda nəqliyyatın intellektual idarə olunması sisteminin yaradılması üzrə işlərin 2011-ci ilin fevralında başa çatdırılması gözlənilir", - çərşənbə axşamı Nəqliyyat Nazirliyinin mətbuat xidmətinin rəhbəri Namiq Həsənov deyib.

"Bu layihə çərçivəsində işlər davam etdirilir və onların 2011-ci ilin fevralında başa çatdırılması planlaşdırılır", - Həsənov bildirib.

Nazirliyin nəqliyyat siyasəti və iqtisadiyyat şöbəsinin rəhbəri Sədrəddin Məmmədovun bir müddət əvvəl dediyi kimi, intellektual idarəetmə sisteminin 2011-ci ilin mayında tam qurulması gözlənilir.

İntellektual sistem ölkə əhalisinə nəqliyyatda vaxt itkisini azaltmaq, hərəkətləri nizmalamaq, nəqliyyat sistemində gərginliyi aradan qaldırmaq imkanı verəcək.

Məmmədov deyib ki, ilkin qiymətləndirməyə görə, bu layihənin realizəsi üçün təxminən 64 milyon manat tələb olunacaq.

Bu il aprelin 6-da Nəqliyyat Nazirliyi Bakıda intellektual idarəetmə sistemi mərkəzinin tikintisi üzrə işlərə başlayıb.

Dispetçer mərkəzi Seuldakı şəhər nəqliyyatı mərkəzinə uyğun olaraq tikilir. İşlər Nəqliyyat Nazirliyi ilə SK C&C arasında imzalanan müqaviləyə əsasən aparılır. Birinci mərhələdə bu mərkəz Bakını, perspektivdə isə Abşeron yarımadasını əhatə edəcək.

Bakıda şəhər nəqliyyatının intellektual idarəetmə sisteminin yaradılması çərçivəsində yeni tipli 450 avtobus dayanacaqlarının quraşdırılması planlaşdırılır. Burada hərəkət və avtobusların marşrutlarına (peyk vasitəsilə) nəzarət etmək üçün elektron lövhələr quraşdırılacaq. Həmçinin dayanacaqlarda quraşdırılacaq lövhə və kameralar vasitəsilə onun yerləşməsinin səmərəliliyi, vacibliyi və əhali tərəfindən istifadə olunub-olunmaması müəyyənləşdiriləcək. İntellektual sistem ən azı 150 yeni elektron tipli işıqforların quraşdırılmasını nəzərdə tutur.

Məqalə müəllifi ilə əlaqə ünvanı: [email protected]

Xəbər lenti

Xəbər lenti