Azərbaycan, Bakı, 13 iyul / Trend , müxbir Ü.İsmayılova /
Azərbaycanın Dövlət Torpaq və Xəritəçəkmə Komitəsi Ekologiya və Təbii Sərvətlər Nazirliyinin təklifi üzrə palçıq vulkanlarının xəritəsini hazırlayır. Bu barədə komitə rəhbəri Qərib Məmmədov bazar ertəsi bildirib.
Onun sözlərinə əsasən, palçıq vulkanlarının bütün ərazisi ölkənin təbii sərvəti kimi xəritədə əks olunacaq.
Azərbaycan palçıq vulkanlarının vətənidir. Şərqi Azərbaycan ərazisində və Xəzər hövzəsində 300-dən çox palçıq vulkanı var. Bu yaxınlarda ölkədə "Azərbaycanın palçıq vulkanları" adlı sorğu kitabçası nəşr edilib. Kitabçada turistlər üçün maraq doğura biləcək Abşeron yarımadası, Şamaxı-Qobustan və Bakı arxipelaqındakı 25 səciyyəvi palçıq vulkanlarının qısa təsviri verilib.
Dünyada 800 palçıq vulkanı vardır ki, onlardan da 300-ü Azərbaycanda yerləşir.
Məqalə müəllifi ilə əlaqə ünvanı: [email protected]
