Azərbaycan, Bakı, 03 avqust / Trend , müxbir N.İsmayılova /
Azərbaycan bankı Muğan Bank-ın aktivləri birinci yarımil ərzində ötən ilin analoji dövrü ilə müqayisədə 16 faiz artıb və 116 milyon manata bərabər olub, bu barədə bankın məlumatında deyilir.
İyulun 1-də kredit portfeli hesabat dövründə 6 faiz artaraq 70 milyon manat təşkil edib.
Müştərilərin depozitləri 52 faiz artıb. Müştərilərin depozitləri cari ildəki 48 milyon manata nisbətdə ötən ilin birinci yarımili ərzində 32 milyon manat təşkil edib. Təcili depozitlər 61 faiz artaraq 18 milyon manatdan 30 milyon manata kimi artıb.
2009-cu ilin birinci yarımili ərzində fəaliyyət yekunlarına əsasən, bankın balans mənfəəti 16,1 min manat təşkil edib.
Muğan Bank 1992-ci ildən bank fəaliyyətini həyata keçirir. 2009-cu il iyulun 1-i üçün bankın 26 filialı və dörd şöbəsi fəaliyyət göstərir və bank öz filial şəbəkəsini bundan sonra da genişləndirmək niyyətindədir.
Avqustun 3-nə olan rəsmi məzənnə 0,8042 AZN/USD təşkil edir.
