Azərbaycan, Bakı, 11 avqust / Trend , müxbir İ.Xəlilova /
Dövlət Sosial Müdafiə Fondu (DSMF) respublikada əmək təqaüdçülərinin sayının artmasını təsdiq edir. İyuluin 1-də əmək təqaüdçülərinin sayı 1 292 602 nəfər təşkil edib. Bu barədə çərşənbə axşamı Dövlət Fondundan bildirilib. Onların 512 167-si kişidir. Qadınların sayı 780 435 nəfər təşkil edir ki, onların da 380 540 nəfəri çoxuşaqlı analardır.
"İlin əvvəli ilə müqayisədə əmək təqaüdçülərinin sayı 17 464 nəfər artıb", - fonddan bildirilib.
Əmək təqaüdçülərinin 129 513 nəfəri işləyənlərin payına düşür. Əlilliyə görə təqaüd alan təqaüdçülərin sayı 308 670 nəfər təşkil edir. Onların 22 276 nəfəri birinci qrup əlildir. Əmək qabilliyyətini itirməsi və peşə xəstəlikləri nəticəsində təqaüd alanların sayı 4 582 nəfər təşkil edir. Bununla yanaşı, 37 031 nəfər güzəştli şərtlərlə, 138 146 nəfər ailə başçısını itirməsi səbəbindən və Azərbaycanın 22 milli qəhramanının ailəsi əmək təqaüdü almaq hüququna malikdir.
"Əmək təqaüdü haqqında" qanuna əsasən əmək təqaüdünün üç növü var. Bunlara yaşa görə, əlliliyə görə və ailə başçısının itirilməsinə görə olan növlər daxildir. 62 yaşına çatan kişilər və 57 yaşına çatan qadınlar sosial sığorta üzrə minimum beş illik iş təcrübəsi ilə yaş üzrə təqaüd almaq hüququna malikdir.
Əlilliyə görə əmək pensiyası 19 yaşınadək əlil və ya sağlamlıq imkanları məhdud olmuş sığorta olunana bir il sığorta stajı olduqda, 19 yaşından sonra əlil olmuş sığorta olunana isə 1 il sığorta stajı olduqda təyin edilir. Ailə başçısının itirilməsinə görə əmək təqaüdü buna kimi onun bir il sosial sığorta stajı olduqda təyin edilir.
Hazırda Azərbaycanda əmək təqaüdlərinin baza hissəsi 70 manat təşkil edir.
Avqustun 11-nə olan rəsmi məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]
