Azərbaycan, Bakı, 21 avqust / Trend , müxbir Ü.İsmayılova /
Azərbaycan Respublikasının Standartlaşdırma, Metrologiya və Patent üzrə Dövlət Komitəsi və Latviya Respublikasının Patent İdarəsi sənaye mülkiyyətinin mühafizəsi ilə bağlı qanunvericilik və normativ sənədlərin, rəsmi nəşrlərin mübadiləsini aparmaq, birgə əməkdaşlıq şəraitində yeni layihələr həyata keçirmək niyyətindədir. Bu barədə Dövlət Komitəsinin cümə günü yayılan məlumatında deyilir.
Birgə işlər Latviya Prezidenti Valdis Zatlersin ölkəmizə avqustun sonunda səfəri zamanı qurumlar arasında imzalanan memorandum çərçivəsində həyata keçiriləcək. Onun səfəri hər iki qurumun qarşılıqlı fəaliyyətinə yeni imkanlar açılması üçün əsas yaradıb.
Zatlersin Bakıya rəsmi səfəri çərçivəsində digər hökumətlərarası müqavilələr ilə yanaşı, sənaye mülkiyyətinin hüquqi mühafizəsi sahəsində informasiyaların mübadiləsi haqqında qarşılıqlı anlaşma barədə müqavilə imzalanıb.
Məqalə müəllifi ilə əlaqə ünvanı: [email protected]
