Türkmənistan, Aşqabad, 02 sentyabr / Trend , müxbir H.Həsənov /
Bu gün Türkmənistan paytaxtının sərgi sarayında iki türkdilli ölkənin ticari-iqtisadi əlaqələrinin genişləndirilməsi üçün Türkiyə Respublikasından idxal edilən malların sərgisi açılıb.
Rəsmi statistikaya görə, Türkiyə və Türkmənistan aktiv mal dövriyyəsinə sahibdir. Əgər 2008-ci ildə bu 855 milyon 200 min dollara bərabər olubsa, 2009-cu ilin altı ayının yekununa görə, bu göstərici 700 milyon ABŞ dollarına yaxınlaşıb.
"Aşqabadda Türkiyə Respublikasından idxal edilən malların beynəlxalq sərgisi gələcək faydalı əməkdaşlığa və iki ölkənin stabil tərəfdaşlığına təsir edən hadisədir", - Türkmənistan Prezidenti Qurbanqulu Berdimuhammedovun iştirakçılara müraciətində deyilir.
Buna uyğun olaraq tədbir güclərin birləşdirilməsi və türkiyəli məhsul istehsalçıları ilə əməkdaşlığın genişləndirilməsi üçün yeni imkanlar yaradır.
Türkiyənin sərgi şirkəti "Meridyen" və Türkmənistanın Sənaye Ticarət Palatası tərəfindən təşkil ediən tədbirdə 80-nə yaxın şirkət iştirak edib.
Təşkilatların verdiyi məlumata görə, ekspozisiya kimya və inşaat sənayesi, elektronika, qida məhsulları, ətriyyat sektorlarına bölünür. Türkiyə kapitalının iştirakı ilə Türkmənistan bazarında 500-dən çox müəssisə qeydiyyata alınıb. Bu da ölkədə olan bütün xarici şirkətlərin 35 faizini təşkil edir.
Türkiyə milli iqtisadiyyatın ən müxtəlif sahələrində 800-ə yaxın layihə həyata keçirir.
Məqalə müəllifi ilə əlaqə ünvanı: [email protected]
