Gürcüstan, Tbilisi, 10 sentyabr / Trend , müxbir N.Kirsxaliya /
Gələn həftə Gürcüstanın Baş naziri Nika Qilauri və biznes mühitinin nümayəndələri Latviyada keçiriləcək iqtidsadi forumda iştirak edəcəklər. Bu barədə çərşənbə axşamı Gürcüstanda rəsmi səfərdə olan Latviyanın xarici şlər naziri Maris Riekstinş gürcüstanlı həmkarı Qriqol Vaşadze ilə görüşdən sonra keçirilən brifinqdə deyib.
Onun sözlərinə görə, forumda 60-dək biznes şirkəti iştirak edəcək.
"Mövcud olan iqisadi böhran fonunda iki ölkə arasında iqisadi əlaqələrin dərinləşməsi və möhkəmləndirilməsi çox vacibdir", - Riekstinş deyib.
İqtisadi məsələlərdən əlavə, onun bəyanatına görə, bügünkü görüşdə bir çox məsələlər müzakirə edilib.
"Biz BMT və ATƏT kimi beynəlxalq təşkilatlarla əməkdaşlığı nəzərdən keçirdik. Həmçinin AŞ və Gürcüstan arasında əlaqələr, Avropanın yeni təhlükəsizlik arxitekturası barədə söhbət aparıldı", - Latviyanın xarici işlər naziri bəyan edib.
Onun sözlərinə görə, son zamanlar Tbilisi və Brüssel arasında aparılan viza rejiminin sadələşdirilməsi ilə bağlı danışıqlar çox vacibdir.
Latviyanın xarici işlər nazirinin dediyi kimi, onun ölkəsi Gürcüstanın Avroatlantik strukturda səylərini dəstəkləyir. "Biz Gürcüstanın NATO-ya üzv olmaq arzusunu müzakirə etdik. Gürcüstan bir sıra məsələlərdə irəliləyiş əldə edib və biz bu barədə dekabrda söhbət aparacağıq", - Riekstinş deyib.
Gürcüstanın xarici işlər naziri Vaşadze öz növbəsində bəyan edib ki, bu, latviyalı həmkarının Gürcüstana ikinci səfəridir. "Görüş səmərəli keçib. Biz ikitərəfli əlaqələri, həmçinin NATO və AŞ-yə daxil olmaq yolunda Latviyanın Gürcüstana köməyini müzakirə etdik", - o deyib.
Məqalə müəllifi ilə əlaqə ünvanı: [email protected]
